"Fenerbaxche" "Barselona" yarim himoyachisi Ilkay Gyundogan vakillari bilan futbolchining transferi borasida muzokaralarni boshladi, deb xabar bermoqda Ispaniyaning AS nashri.
Ma’lum qilinishicha, aloqalar "Fenerbaxche" bosh murabbiyi Joze Mourinyoning iltimosiga ko‘ra boshlangan.
"Barselona" turk klubidan kataloniyaliklar bilan shartnomasi yana bir yilga uzaytirilishi mumkin bo‘lgan 2025 yilning yoziga qadar tuzilgan 33 yoshli futbolchining transferi uchun katta summa taklif qilishini kutmoqda.
Turkiya klubi "Barselona"ga kerakli summani taklif qilishi dargumon, germaniyalik futbolchining yuqori maoshi ham to‘siq bo‘lishi mumkin.
Nashr, shuningdek, "Galatasaroy"ning futbolchiga qiziqishini inkor etdi. Klub vakillari o‘z sharhlarida Turkiya OAVlarida ilgari paydo bo‘lgan bu ma’lumotni rad etishdi.
Avvalroq Mundo Deportivo Qatarning "As-Sadd" klubi Gyundoganga 3 yillik shartnoma taklif qilgani haqida yozgan edi.
2023/24 yilgi mavsumda Gyundogan 51 uchrashuvda 5 gol va 14 golga assistentlik qilgan.
