Lionel Messi yaqin kelajakda Argentina terma jamoasini tark etish niyatida emas.
Iyul oyida 37 yoshli futbolchi «Albiseleste»ga Amerika Kubogida g‘alaba qozonishga yordam berdi, biroq jarohat bilan «Inter Mayami»ga qaytdi. Forvard Kolumbiyaga qarshi final uchrashuvidan beri maydonga tushgani yo‘q.
«Har doimgidek Messi Argentina terma jamoasida o‘ynashni istaydi va sentyabr oyidagi o‘yinlarda ishtirok etish niyatida. Hozir u tiklanish ustida ishlamoqda - jadvalga ko‘ra, u maydonga qaytishga ulgurishi kerak», - deydi taniqli jurnalist Gaston Edul.
6 sentyabr kuni Argentina terma jamoasi JCH-2026 saralashi doirasida Chili termasiga qarshi bahs olib boradi.
