Лионель Месси яқин келажакда Аргентина терма жамоасини тарк этиш ниятида эмас.
Июль ойида 37 ёшли футболчи «Альбиселесте»га Америка Кубогида ғалаба қозонишга ёрдам берди, бироқ жароҳат билан «Интер Майами»га қайтди. Форвард Колумбияга қарши финал учрашувидан бери майдонга тушгани йўқ.
«Ҳар доимгидек Месси Аргентина терма жамоасида ўйнашни истайди ва сентябрь ойидаги ўйинларда иштирок этиш ниятида. Ҳозир у тикланиш устида ишламоқда - жадвалга кўра, у майдонга қайтишга улгуриши керак», - дейди таниқли журналист Гастон Эдуль.
6 сентябрь куни Аргентина терма жамоаси ЖЧ-2026 саралаши доирасида Чили термасига қарши баҳс олиб боради.
