"Roma"ning ikki hujumchisi Artyom Dovbik va Eldor Shomurodov bugun jamoaning Angliyadagi yig‘iniga qo‘shiladi, deb xabar beradi LaRoma24.it nashri.
Avvalroq har ikki futbolchida vizalar bilan bog‘liq muammolar bo‘lib, yig‘inning bir qismini o‘tkazib yuborishga majbur bo‘lgan bo‘lsa, endilikda bu muammolar hal bo‘ldi. 6 avgust kuni bo‘lib o‘tgan so‘nggi o‘rtoqlik uchrashuvida "Roma" "Barnsli"ni 4:0 hisobida mag‘lub etdi.
10 avgust kuni bo‘lib o‘tadigan navbatdagi o‘yinda “bo‘rilar” “Everton” bilan uchrashadi.
