35 yoshli Mats Xummels «Borussiya Dortmund» bilan xayrlashganidan keyin hamon o‘ziga yangi klub topa olmadi.

Nemis faxriysi turli mamlakatlardan takliflarni ko‘rib chiqmoqda, ammo hozircha mos variantni topa olmayapti. Insayder Nikolo Skiraning ma’lum qilishicha, Xummels xizmatlari yaqinda «Yuventus»ga taklif qilingan, ammo Turin jamoasi unga qiziqish bildirmagan. "Byankonerilar" rahbariyatining boshqa rejalari bor.

So‘nggi haftalarda Germaniya terma jamoasining sobiq markaziy himoyachisiga asosiy da’vogarlar sifatida «Bolonya» va «Brayton» ko‘rsatilgan.