35 ёшли Матс Хуммельс «Боруссия Дортмунд» билан хайрлашганидан кейин ҳамон ўзига янги клуб топа олмади.
Немис фахрийси турли мамлакатлардан таклифларни кўриб чиқмоқда, аммо ҳозирча мос вариантни топа олмаяпти. Инсайдер Николо Скиранинг маълум қилишича, Хуммельс хизматлари яқинда «Ювентус»га таклиф қилинган, аммо Турин жамоаси унга қизиқиш билдирмаган. "Бьянконерилар" раҳбариятининг бошқа режалари бор.
Сўнгги ҳафталарда Германия терма жамоасининг собиқ марказий ҳимоячисига асосий даъвогарлар сифатида «Болонья» ва «Брайтон» кўрсатилган.
