Жозе Моуриньонинг «Реал» бош мураббийлигига қайтиши энди фақат вақт масаласи. Принципиал жиҳатдан барчаси ҳал бўлиб улгурган. The Touchline нашрининг хабарига кўра, Моуриньога топ-клубни бошқаришга ҳали ҳам қодир эканлигини исботлаш учун бир мавсум вақт берилади.
Биринчи мавсум учун Моуриньо олдига учта асосий вазифа қўйилади:
Испания чемпионатида ғолиб чиқиш;
Чемпионлар лигасида муносиб иштирок этиш — камида ярим финалгача етиб бориш;
Кийиниш хонасида тартиб ўрнатиш — ички можароларни ҳал қилиш ва футболчиларнинг «эго»сини жиловлаш.
«Реал» 2025/2026 йилги мавсумни совринсиз якунламоқда. Мадрид клуби учун бундай натижа муваффақиятсизлик деб ҳисобланади.
