"Manchester Yunayted" vingeri Antoni Saudiya Arabistoni klublaridan tushayotgan takliflarga rozi bo‘lmayapti. Bu haqda Football Insider xabar bermoqda.
Manbaning xabariga ko‘ra, o‘z navbatida, "qizil iblislar" braziliyalik futbolchi bo‘yicha takliflarni ko‘rib chiqishga tayyor, biroq ularda katta transfer summasi bo‘lsagina jamoa futbolchini qo‘yib yuboradi. Oldinroq OAVda 24 yoshli futbolchiga Saudiyaning "An-Nasr" klubi qiziqayotgani haqida ma’lumotlar paydo bo‘lgandi.
O‘tgan mavsumda Antoni barcha musobaqalarda 38 ta o‘yinda qatnashib, uchta gol va ikkita golli uzatmaga mualliflik qilgan.
