Dortmundning “Borussiya” klubi hujumchisi Yussuf Mukoko avvalroq “Marsel”ga o‘tishga yaqin turgandi. Jurnalist Fabrisio Romano bergan ma’lumotlarga ko‘ra, kelishuv barbod bo‘lish arafasida.
Qayd etilishicha, klublar bir to‘xtamga kela olmayapti, shu bois fransuz tomoni muzokaralardan voz kechishga tayyor. Manbaning xabar berishicha, nemis forvardining xizmatlariga “Marsel”dan tashqari boshqa klublar ham qiziqish bildirmoqda.
Yussuf hali ham ushbu transfer oynasida Dortmundni tark etmoqchi. Mukoko o‘tgan mavsumda Germaniya chempionatida 20ta o‘yinda 5ta gol urdi.
