"Katta Dubulg‘a" turkumiga kiruvchi turnirlarning to‘rt karra g‘olibi, dunyoning uchinchi raketkasi, ispaniyalik tennischi Karlos Alkaras Sinsinnatidagi (AQSH) "Masters" turniri boshlanishi oldidan dastxat qo‘yish marosimini o‘tkazdi.

U imzo qo‘yish chog‘ida bolalarni navbatda surib chiqarishga urinayotgan katta yoshli muxlislarga murojaat qildi.

"Oldinda bolalar bor, turtmanglar, xo‘pmi?" - dedi o‘tgan yili Sinsinnatidagi musobaqa finalchisi muxlislarga qarata.

2024 yilgi Olimpiada kumush medali sovrindori 21 yoshli Karlos Alkaras Sinsinnatidagi turnirni ikkinchi davradan boshlaydi.

1/16 finalda u dunyoning 30-raketkasi avstraliyalik Aleksey Popirin va fransiyalik Gael Monfils o‘rtasidagi uchrashuv g‘olibi bilan o‘ynaydi.

Sovrin jamg‘armasi 6 795 555 dollar bo‘lgan "Masters" musobaqasi 12-19 avgust kunlari bo‘lib o‘tadi.

Eslatib o‘tamiz, Sinsinnatidagi amaldagi chempionlik unvoni serbiyalik Novak Jokovichga tegishli.