"Катта Дубулға" туркумига кирувчи турнирларнинг тўрт карра ғолиби, дунёнинг учинчи ракеткаси, испаниялик теннисчи Карлос Алькарас Цинциннатидаги (АҚШ) "Мастерс" турнири бошланиши олдидан дастхат қўйиш маросимини ўтказди.
У имзо қўйиш чоғида болаларни навбатда суриб чиқаришга уринаётган катта ёшли мухлисларга мурожаат қилди.
"Олдинда болалар бор, туртманглар, хўпми?" - деди ўтган йили Цинциннатидаги мусобақа финалчиси мухлисларга қарата.
2024 йилги Олимпиада кумуш медали совриндори 21 ёшли Карлос Алькарас Цинциннатидаги турнирни иккинчи даврадан бошлайди.
1/16 финалда у дунёнинг 30-ракеткаси австралиялик Алексей Попирин ва франциялик Гаэл Монфилс ўртасидаги учрашув ғолиби билан ўйнайди.
Соврин жамғармаси 6 795 555 доллар бўлган "Мастерс" мусобақаси 12-19 август кунлари бўлиб ўтади.
Эслатиб ўтамиз, Цинциннатидаги амалдаги чемпионлик унвони сербиялик Новак Жоковичга тегишли.
