"Manchester Siti" bosh murabbiyi Pep Gvardiola Ilkay Gyundoganning "Barselona"dagi qisqa faoliyati haqida gapirdi.
Nemis yarim himoyachisi "blaugrana" safida bor-yo‘g‘i bir mavsum o‘ynadi, shundan so‘ng yana "Manchester Siti"ga qaytdi. Kataloniya klubi moliyaviy qiyinchiliklar tufayli 33 yoshli futbolchi bilan xayrlashishga majbur bo‘ldi.
"Bu Gyundogan uchun unutilmas voqea bo‘ldi. Ko‘tarilishlar va pasayishlar bo‘ldi, ko‘p narsa sodir bo‘ldi, lekin u o‘zi uchun, shu jumladan bo‘lajak murabbiy sifatida ham juda ko‘p foydali narsalarni o‘rganganini aytadi", - dedi Gvardiola.
Ilkay Gyundogan “Barselona” safida 51 ta o‘yinda maydonga tushib, 5 ta gol va 14 ta golli uzatmaga mualliflik qilgan.
