Saudiyaning “An-Nasr” klubi hujumchisi va Portugaliya terma jamoasi sardori Krishtianu Ronaldu terma jamoadagi faoliyatini qanday yakunlashni rejalashtirayotgani haqida gapirdi. Futbolchining so‘zlariga ko‘ra, bu qaror ham o‘z-o‘zidan, ham o‘ylangan bo‘ladi, ammo bu haqda hech kim oldindan bilmaydi.

“Men terma jamoa sharafini himoya qilayotganimdan juda faxrlanaman - bu orzum ushaldi! Shu bois, Portugaliya terma jamoasini tark etishga qaror qilganimda, hech kimni oldindan ogohlantirmayman. Bu men tomondan juda o‘z-o‘zidan qabul qilingan qaror bo‘ladi, lekin bir vaqtning o‘zida juda o‘ylangan qaror bo‘ladi", - dedi Ronaldu.