Саудиянинг “Ан-Наср” клуби ҳужумчиси ва Португалия терма жамоаси сардори Криштиану Роналду терма жамоадаги фаолиятини қандай якунлашни режалаштираётгани ҳақида гапирди. Футболчининг сўзларига кўра, бу қарор ҳам ўз-ўзидан, ҳам ўйланган бўлади, аммо бу ҳақда ҳеч ким олдиндан билмайди.

“Мен терма жамоа шарафини ҳимоя қилаётганимдан жуда фахрланаман - бу орзум ушалди! Шу боис, Португалия терма жамоасини тарк этишга қарор қилганимда, ҳеч кимни олдиндан огоҳлантирмайман. Бу мен томондан жуда ўз-ўзидан қабул қилинган қарор бўлади, лекин бир вақтнинг ўзида жуда ўйланган қарор бўлади", - деди Роналду.