Portugaliya terma jamoasi murabbiylar shtabi terma jamoaning Millatlar ligasining bo‘lajak o‘yinlari uchun qaydnomasini taqdim etdi. Saudiyaning “An-Nasr” klubining 39 yoshli hujumchisi Krishtianu Ronaldu ham tarkibga kiritilgan.
Portugaliya terma jamoasi sentyabr oyida ikkita o‘yin o‘tkazadi. Millatlar ligasi guruh bosqichi doirasida Roberto Martines shogirdlari Xorvatiya va Polsha terma jamoalari bilan uchrashadi. Uchrashuvlar mos ravishda 5 va 8 sentyabr kunlari bo‘lib o‘tadi.
Krishtianu terma jamoada 2003 yildan buyon o‘ynab kelmoqda. Hujumchi 212 ta o‘yinda qatnashib, 130 ta gol urgan.
