Португалия терма жамоаси мураббийлар штаби терма жамоанинг Миллатлар лигасининг бўлажак ўйинлари учун қайдномасини тақдим этди. Саудиянинг “Ан-Наср” клубининг 39 ёшли ҳужумчиси Криштиану Роналду ҳам таркибга киритилган.
Португалия терма жамоаси сентябрь ойида иккита ўйин ўтказади. Миллатлар лигаси гуруҳ босқичи доирасида Роберто Мартинес шогирдлари Хорватия ва Польша терма жамоалари билан учрашади. Учрашувлар мос равишда 5 ва 8 сентябрь кунлари бўлиб ўтади.
Криштиану терма жамоада 2003 йилдан буён ўйнаб келмоқда. Ҳужумчи 212 та ўйинда қатнашиб, 130 та гол урган.
