“Barselona” va Ispaniya terma jamoasi vingeri Lamin Yamal futbol bo‘yicha navbatdagi jahon rekordini o‘rnatdi.

17 yoshli futbolchi "Oltin to‘p" uchun 30 ta da’vogar orasida edi - to‘liq ro‘yxatni chorshanba kuni France Football e’lon qildi. Footmercato ma’lumotlariga ko‘ra, Yamal tarixdagi nufuzli individual mukofotga nomzod bo‘lgan eng yosh futbolchi bo‘ldi. Ispaniyalik futbolchi 2011 yilda 19 yoshida sovringa da’vogarlik qilgan Neymarning natijasidan o‘zib ketdi.

Lamin Yamal Yevro-2024da g‘olib chiqdi va turnirning eng yaxshi yosh futbolchisi sifatida tan olindi. Vunderkind o‘tgan mavsumda “Barselona” safida 50 ta o‘yin o‘tkazib, 7 ta gol va 9 ta golli uzatmani amalga oshirgan.