Madridning «Real» klubi hujumchisi Kilian Mbappe Chempionlar ligasidagi yangi mavsumdagi ilk o‘yindan so‘ng OAV bilan suhbatlashdi. «Los-Blankos» o‘z maydonida Germaniyaning «Shtutgart» jamoasini 3:1 hisobida mag‘lub etdi. Urilgan gollardan birini fransuz kiritdi.
«Ajoyib oqshom. Biz turnirni g‘alaba bilan boshlashni rejalashtirgandik, ammo bu oson bo‘lmadi, chunki bu Chempionlar ligasi. G‘alaba qozonishimiz muhim. Raqib yaxshi o‘ynadi, darvoza yaqinida bo‘sh pozisiya ochish bizga oson bo‘lmadi. Ammo tanaffusdan keyin hammasi joyiga tushdi. Jamoa muxlislar tufayli buni uddasidan chiqdi», - dedi 25 yoshli Mbappe.