Мадриднинг «Реал» клуби ҳужумчиси Килиан Мбаппе Чемпионлар лигасидаги янги мавсумдаги илк ўйиндан сўнг ОАВ билан суҳбатлашди. «Лос-Бланкос» ўз майдонида Германиянинг «Штутгарт» жамоасини 3:1 ҳисобида мағлуб этди. Урилган голлардан бирини француз киритди.
«Ажойиб оқшом. Биз турнирни ғалаба билан бошлашни режалаштиргандик, аммо бу осон бўлмади, чунки бу Чемпионлар лигаси. Ғалаба қозонишимиз муҳим. Рақиб яхши ўйнади, дарвоза яқинида бўш позиция очиш бизга осон бўлмади. Аммо танаффусдан кейин ҳаммаси жойига тушди. Жамоа мухлислар туфайли буни уддасидан чиқди», - деди 25 ёшли Мбаппе.
