Аргентина терма жамоаси мураббийлар штаби 2026 йилги Жаҳон чемпионати учун якуний таркибни эълон қилди. Рўйхатни топширишнинг охирги муддати 30 май этиб белгиланган эди, кенгайтирилган таркиб эса 11 май куни маълум қилинганди. Эслатиб ўтамиз, аргентиналиклар сўнгги мундиал ғолиблари ҳисобланади.
«Интер Майами»нинг 38 ёшли ҳужумчиси Лионель Месси МЛС доирасидаги «Филадельфия»га қарши ўйинда жароҳат олганига қарамай, 26 кишилик таркибга киритилди. Бу унинг фаолиятидаги кетма-кет олтинчи Жаҳон чемпионати бўлади. Месси шу вақтгача мундиалларда 26 та ўйин ўтказиб, 13 та гол урган ва 8 та голли узатмани амалга оширган.
Терма жамоанинг тўлиқ таркиби:
-
Дарвозабонлар: Эмилиано Мартинес («Астон Вилла», Англия), Херонимо Рулли («Марсель», Франция), Хуан Муссо («Атлетико», Испания).
-
Ҳимоячилар: Науэль Молина («Атлетико», Испания), Николас Отаменди («Бенфика», Португалия), Кристиан Ромеро («Тоттенхэм», Англия), Николас Тальяфико («Лион», Франция), Лисандро Мартинес («Манчестер Юнайтед», Англия), Гонсало Монтиэль («Ривер Плейт»), Факундо Медина, Леонардо Балерди (иккиси ҳам — «Марсель», Франция).
-
Ярим ҳимоячилар: Валентин Барко («Страсбур», Франция), Джовани Ло Чельсо («Бетис», Испания), Леандро Паредес («Бока Хуниорс»), Родриго Де Пауль («Интер Майами», АҚШ), Энцо Фернандес («Челси», Англия), Алексис Мак Аллистер («Ливерпуль», Англия), Эксекиэль Паласиос («Байер», Германия).
-
Ҳужумчилар: Нико Пас («Комо», Италия), Хосе Мануэль Лопес («Палмейрас», Бразилия), Лионель Месси («Интер Майами», АҚШ), Лаутаро Мартинес («Интер», Италия), Джулиано Симеоне, Николас Гонсалес, Тьяго Альмада, Хулиан Альварес (барчаси — «Атлетико», Испания).
2026 йилги Жаҳон чемпионати 11 июндан 19 июлгача АҚШ, Канада ва Мексикада бўлиб ўтади. Аргентина терма жамоаси «J» гуруҳида Австрия, Жазоир ва Иордания билан куч синашади.
