"Liverpul" ustozi Arne Slot turnir jadvalidagi holatga to‘xtalib o‘tdi. 

"Bugun "bo‘rilar" bilan o‘ynaganimizdan so‘ng biz birinchi, ular oxirgi o‘rinda qoldi. Biroq ular oxirgi o‘rinni egallashga mutlaqo loyiq emaslar.

Ularning taqvimi qiyin, men ular ishtirokidagi ko‘plab o‘yinlarni ko‘rdim va har birida ular ko‘proq narsaga loyiq ekanligini angladim.

Balki bugungi o‘yin haqida ham shunday deyish mumkindir, chunki biz ulardan unchalik ustun emasdik.

Agar ular boshqa jamoalarga qarshi shunday o‘ynashda davom etsa, 20-o‘rinda qolib ketmaydilar.

"Arsenal", "Chelsi", "Nyukasl", "Aston Villa" bilan o‘yinlardan keyin ham birinchi o‘rinda qolamizmi yoki yo‘qmi, bilmayman", – dedi Slot.