"Manchester Siti" Rodrining jarohatidan so‘ng yarim himoyani kuchaytiradigan futbolchi qidirmoqda.
Xabarlarga ko‘ra, "shaharliklar" "Inter" yarim himoyachisi Nikolo Barellaga qiziqish bildirmoqda. Guardian Sport xabariga ko‘ra, "neradzurrilar"ning shanba kuni bo‘lib o‘tadigan "Torino"ga qarshi A Seriyadagi navbatdagi o‘yiniga ingliz grandining skautlari tashrif buyurishadi. Shuningdek, turinliklar safida o‘ynayotgan 23 yoshli Samuele Richchi ham "Manchester Siti" vakillari tomonidan kuzatiladi.
Transfermarkt portali ma’lumotlariga ko‘ra, Nikolo Barellaning narxi 80 million yevroni tashkil qiladi. Samuele Richchining narxi 22 million yevro.
