Madridning «Real» klubi hujumchisi Rodrigo yozgi transfer oynasida «Manchester Siti»ga o‘tishi mumkin.
«Shaharliklar» «Atletiko Madrid»ga o‘tib ketgan Xulian Alvaresning o‘rnini bosa oladigan hujumkor futbolchini qo‘lga kiritish uchun katta miqdorda mablag‘ sarflashga tayyor edi. Jurnalist Dankan Castlesning so‘zlariga ko‘ra, ingliz grandi yozning so‘nggi kunlarida Rodrigoni o‘ziga tortmoqchi bo‘lgan. Braziliyalik futbolchining o‘zi ham «Manchester Siti»da o‘ynash istiqboliga ijobiy munosabatda bo‘lgan, biroq «Real» Saudiya Arabistonidan Vinisius Juniorga qiziqish bo‘lganligi sababli undan taklifni qabul qilmaslikni so‘radi.
Ikkala braziliyalik hujumchi ham «Qirollik klubi»da qolishdi va «Manchester Siti» Alvaresning o‘rniga to‘g‘ridan-to‘g‘ri o‘rinbosar bilan shartnoma imzolamadi. Biroq, manbaga ko‘ra, «shaharliklar» yaqin kelajakda Rodrigoni sotib olish g‘oyasiga qaytishlari mumkin.
