Argentinaning “Boka Xuniors” klubi markaziy hujumchisi Edinson Kavani kelajagi haqida bir qarorga keldi. Todomercadoweb.es jurnalistlarining ma’lumotlariga ko‘ra, urugvaylik tajribali hujumchi jamoa bilan hamkorlikni uzaytiishga qaror qilgan.
Tomonlar o‘rtasidagi yangi shartnoma 2025 yil oxirigacha amal qiladi. Kavanining "Boka Xuniors" bilan amaldagi mehnat shartnomasi shu yilning dekabr oyida tugaydi.
37 yoshli hujumchining transfer narxi bir million yevroga baholanmoqda. Edinson Argentina jamoasi tarkibida futbolchilik faoliyatini yakunlamoqchi. Bu yil urugvaylik futbolchi Argentina chempionatida 19 ta o‘yin o‘tkazib, 9 ta gol urishga erishdi.
