Аргентинанинг “Бока Хуниорс” клуби марказий ҳужумчиси Эдинсон Кавани келажаги ҳақида бир қарорга келди. Todomercadoweb.es журналистларининг маълумотларига кўра, уругвайлик тажрибали ҳужумчи жамоа билан ҳамкорликни узайтиишга қарор қилган.
Томонлар ўртасидаги янги шартнома 2025 йил охиригача амал қилади. Каванининг "Бока Хуниорс" билан амалдаги меҳнат шартномаси шу йилнинг декабрь ойида тугайди.
37 ёшли ҳужумчининг трансфер нархи бир миллион еврога баҳоланмоқда. Эдинсон Аргентина жамоаси таркибида футболчилик фаолиятини якунламоқчи. Бу йил уругвайлик футболчи Аргентина чемпионатида 19 та ўйин ўтказиб, 9 та гол уришга эришди.
