Xitoyning Shanxay shahrida tennis bo‘yicha "Masters" seriyasiga kiruvchi turnir bo‘lib o‘tmoqda.
Dunyoning birinchi raketkasi Yannik Sinner musobaqaning 1/8 final ishtirokchisiga aylandi. Italiyalik tennischi uchinchi davrada ATP reytingida 37-o‘rinni egallab turgan argentinalik Tomas Martin Etcheverrini uch set natijasiga ko‘ra mag‘lubiyatga uchratdi - 6/7(3), 6/4, 6/2.
Bu tennischilarning o‘zaro ikkinchi uchrashuvi edi - 2:0. Ikki soatu 40 daqiqa davom etgan bahsda Sinner 12, Etcheverri 11 ta eys zarbasini amalga oshirgan. Ikkala tennischi ham bittadan qo‘shxatoga yo‘l qo‘ydi. Breyklar bo‘yicha ustunlik 4 ga 1 ko‘rinishida Yannik foydasiga hal bo‘ldi. Bu italiyalik tennischining mavsumdagi 61-g‘alabasi edi.
