"Barselona" himoyachisi Jyul Kunde La Liga doirasidagi "Alaves" bilan o‘yinda (3:0) zaxirada qoldirildi. Uning o‘rniga Ektor Fort maydonga tushirildi.
Jurnalist Toni Xuanmarti xabariga ko‘ra, Kundening o‘yinni zaxira o‘rindig‘ida boshlashi – hechqanday rotasiya sababli emas, bu jazo edi. Sababi u o‘yin oldidan jamoaviy yig‘ilishga kech qoldi.
Flik o‘z futbolchilarini punktuallik juda muhimligi haqida allaqachon ogohlantirgan. Shu kungacha hech bir futbolchi bu qoidani buzmagan edi. Shu sababli, murabbiy ichki tartib-intizom muhimligini ta’kidlab, futbolchini jazolashga qaror qildi.
