"Bavariya" yarim himoyachisi Joau Palinya hali jamoaning asosiy tarkibiga kira olmadi. Futbolchi bu haqida fikr bildirdi.
29 yoshli futbolchi iyul oyida "Fulxem"dan Myunxenning top-klubiga ko‘chib o‘tgandi, biroq hozircha Vensan Kompani jamoasida muhim figuraga aylana olmadi. Portugaliyalik futbolchi faqat bir marta asosiy tarkibda maydonga tushdi - u barcha turnirlarda 154 daqiqa o‘ynadi.
"Men "Bavariya"dagi vaqtim kelishini bilaman. Men ko‘p mehnat qilaman, imkoniyatim uchun kurashaman. Rostini aytsam, sabr haqida gapirish menga qiziq emas. Men uchun bu haqda nima deyishlari muhim emas. Men katta klubdaman, o‘zimga ishonaman. Biz sayohatning boshida turibmiz. 90 daqiqa, 45 yoki atigi 5 daqiqa - maydonda qancha vaqt bo‘lishimdan qat’i nazar, men barchasiga tayyorman", - dedi Palinya Sport Bild nashriga bergan intervyusida.
