Shanba kuni Ispaniya terma jamoasi o‘z maydonida Daniyani minimal 1:0 hisobida mag‘lub etdi. Vinger Lamin Yamal stadionni tark etayotganda jarohat olib, oqsoqlanib qoldi.
Mundo Deportivo xabariga ko‘ra, Yamal yakshanba kuni tibbiy ko‘rikdan o‘tgan. Futbolchining jarohati aniqlanmagan, biroq Lamin haddan tashqari ortiqcha yuklamadan aziyat chekayotgani tasdiqlangan.
Yamal Ispaniya terma jamoasining Serbiyaga qarshi bo‘lajak o‘yinida ishtirok etmaydi. Yosh futbolchi "Barselona"ga qaytadi.
Qaytib kelgach, Lamin qo‘shimcha tekshiruvlardan o‘tadi va tiklanish rejasi tuziladi.
Katta ehtimol bilan vinger 20 oktyabr kuni bo‘lib o‘tadigan "Sevilya"ga qarshi o‘yinni o‘tkazib yuboradi.
