Шанба куни Испания терма жамоаси ўз майдонида Данияни минимал 1:0 ҳисобида мағлуб этди. Вингер Ламин Ямал стадионни тарк этаётганда жароҳат олиб, оқсоқланиб қолди.
Mundo Deportivo хабарига кўра, Ямал якшанба куни тиббий кўрикдан ўтган. Футболчининг жароҳати аниқланмаган, бироқ Ламин ҳаддан ташқари ортиқча юкламадан азият чекаётгани тасдиқланган.
Ямал Испания терма жамоасининг Сербияга қарши бўлажак ўйинида иштирок этмайди. Ёш футболчи "Барселона"га қайтади.
Қайтиб келгач, Ламин қўшимча текширувлардан ўтади ва тикланиш режаси тузилади.
Катта эҳтимол билан вингер 20 октябрь куни бўлиб ўтадиган "Севилья"га қарши ўйинни ўтказиб юборади.
