Yaqin kelajakda "Manchester Yunayted" rahbariyati bosh murabbiyni o‘zgartirishga qaror qilishi mumkinligi haqida mish-mishlar tarqalmoqda.
Transfer News Live xabariga ko‘ra, "qizil iblislar" yozda "Shtutgart"dan Sebastyan Xyoness bilan bog‘lanishgan.
"Mankunianliklar" Xyoness Erik ten Xagni almashtirishga tayyormi yoki yo‘qligini bilishni istashdi.
Biroq, mutaxassis bu variantni rad etdi. Aytish joizki, yozda “Manchester Yunayted” Erik ten Xag bilan shartnomani uzaytirishga qaror qilgandi.
Endi niderlandiyalik qoniqarsiz natijalar tufayli bosim ostida qolgan. “Qizil iblislar” APL turnir jadvalida bor-yo‘g‘i 14-o‘rinni egallab turibdi.
