Яқин келажакда "Манчестер Юнайтед" раҳбарияти бош мураббийни ўзгартиришга қарор қилиши мумкинлиги ҳақида миш-мишлар тарқалмоқда.
Transfer News Live хабарига кўра, "қизил иблислар" ёзда "Штутгарт"дан Себастьян Хёнесс билан боғланишган.
"Манкунианликлар" Хёнесс Эрик тен Хагни алмаштиришга тайёрми ёки йўқлигини билишни исташди.
Бироқ, мутахассис бу вариантни рад этди. Айтиш жоизки, ёзда “Манчестер Юнайтед” Эрик тен Хаг билан шартномани узайтиришга қарор қилганди.
Энди нидерландиялик қониқарсиз натижалар туфайли босим остида қолган. “Қизил иблислар” АПЛ турнир жадвалида бор-йўғи 14-ўринни эгаллаб турибди.
