Мадриднинг «Реал» клуби расмий сайти орқали «Атлетико» ҳужумчиси Хулиан Альваресни сотиб олиш учун 150 миллион евро таклиф қилинганини маълум қилди.
«Реал Мадрид» футбол клуби директорлар кенгашининг бугунги йиғилиши якунларига кўра, футболчи Хулиан Альвареснинг трансфер ҳуқуқлари учун «Атлетико» Мадрид клубига 150 миллион евро таклиф этганини маълум қилади.
Икки клуб ўртасидаги яхши муносабатлар доирасида билдирилган ушбу таклиф ўрганиб чиқилганидан сўнг, «Атлетико Мадрид» раҳбарияти миннатдорлик билдирган ҳолда уни рад этди. Бунга футболчининг шартномасида белгиланган товон пули миқдори сабаб қилиб кўрсатилди», — дейилади «Реал» баёнотида.
Ўтган ҳафта «Қироллик клуби» президенти Флорентино Перес 9 июнь, сешанба куни номи ошкор этилмаган футболчи учун 150 миллион евро миқдорида таклиф билан чиқишини маълум қилган эди.
Маълумот учун, Хулиан Альвареснинг шартномасида белгиланган товон пули 500 миллион еврога тенг.













