«Ливерпуль» матбуот хизмати клубнинг титул ҳомийси ўзгарганини маълум қилди. Янги мавсумдан бошлаб Turkish Airlines Standard Chartered ўрнини эгаллайди.

Liverpool Echo хабар беришича, янги келишувга кўра, «Ливерпуль» тахминан 348 миллион евро даромад олади. Бу Англия Премьер-лигаси тарихида реклама учун энг катта сумма ҳисобланади. Шунингдек, мерсисайдликлар 17 йил ичида биринчи марта титул ҳомийсини алмаштиради.

Жорий мавсумда «Ливерпуль» 3 та учрашув ўтказиб, 5 очко жамғарди. Айни пайтда жамоа турнир жадвалида 6-ўринда бормоқда.

9 сентябрь куни «қизиллар» Чемпионлар лигаси биринчи турида Мадриднинг «Атлетико» клубини ўз майдонида қабул қилади.