Мадриднинг «Реал» клубида нафақат шов-шувли харидлар, балки футболчиларни сотиш ҳам режалаштирилмоқда. Журналист Хосе Феликс Диаснинг хабар беришича, шу ёзда «қироллик клуби»ни бир йўла бир нечта юқори даражадаги футболчилар тарк этади. Ҳозирча уларнинг аниқ исм-шарифлари ошкор қилинмаяпти.
Тез орада «Реал» сафига ҳимоячилар Ибраима Конате ва Дензел Дюмфрис келиб қўшилади, бироқ жамоа учун трансферлар бу билан тўхтаб қолмаса керак. Сешанба куни клуб «Атлетико» ҳужумчиси Хулиан Альварес учун берилган 150 миллион евролик таклиф «матрасчилар» томонидан рад этилганини маълум қилган эди.
Яқин вақт ичида «Реал» Жозе Моуриньо бош мураббий этиб тайинланганини расман эълон қилади.
