Angliya terma jamoasi vaqtinchalik bosh murabbiyi Li Karsli terma jamoadagi kelajagi borasida bir qarorga keldi.
Jurnalist Nizar Kinsellaning ijtimoiy tarmoqlarda yozishicha, Karsli o‘zini inglizlarning doimiy murabbiyi lavozimiga nomzodlar ro‘yxatidan chiqarib tashlagan. 50 yoshli mutaxassis bu lavozimni "jahon toifasidagi murabbiy" egallashi kerak, deb hisoblaydi.
Li Karsli avvalroq Angliya yoshlar terma jamoasi bosh murabbiyi edi. O‘tgan yili u jamoani 21 yoshgacha bo‘lganlar o‘rtasidagi Yevropa chempiontida g‘oliblikka olib keldi.
