Vinisius Junior Chempionlar ligasida raqib jarima maydonchasida to‘pga eng ko‘p teginishni amalga oshirdi.
"Real Madrid" vingeri UYEFA Chempionlar ligasining joriy mavsumida umumiy bosqichning to‘rtta turidan so‘ng raqib jarima maydonchasida to‘pga 37 marta teginishga erishdi.
U bu ko‘rsatkich bo‘yicha reytingda yetakchilik qilmoqda. Vinisius asosiy yevrokuboklarning joriy mavsumida 4 ta gol urdi.
Kuchli uchlikka Kilian Mbappe va "PSJ" vingeri Usmon Dembele ham kirgan, ularning har birida 36 tadan teginish bor.
"Manchester Siti" hujumchisi Erling Xoland Chempionlar ligasining joriy mavsumida raqib jarima maydonchasida 28 marta to‘pga tegdi. Uning hisobida Chempionlar ligasining 4 ta o‘yinida 3 ta gol bor.
