“Yuventus” hujumchisi Dushan Vlahovich hali jarohatidan forig‘ bo‘lgani yo‘q. Serbiya terma jamoasi safida olgan jarohati tufayli 24 yoshli futbolchi yaqinda A Seriyaning "Milan"ga qarshi uchrashuvini (0:0) o‘tkazib yubordi.
Oldinroq Vlahovich Chempionlar ligasi doirasidagi "Aston Villa"ga qarshi o‘yingacha tiklanishi mumkinligi haqida xabar berilgandi, ammo bunday ssenariy bo‘lishi dargumon.
Dushanba kuni futbolchi jamoadan alohida mashg‘ulot o‘tkazdi. Ko‘rinishidan, u o‘yinni zaxira o‘rindig‘ida boshlaydi. Tiago Motta sog‘lig‘ini xavf ostiga qo‘yish niyatida emas.
