"Milan" hujumchisi Temmi Abraham "Chelsi" haqida o‘z fikrini aytdi. Aynan London klubida ingliz futbolchisi 2021 yilda "Roma"ga o‘tishdan oldin faoliyatini boshlagan. Shu yilning avgust oyida futbolchi “Milan” tomonidan ijaraga olingandi.
"Chelsi" kuchli to‘rtlikka kirishini istardim. Jamoada Koul Palmer va Nikolas Jekson kabi yaxshi futbolchilar ko‘p. Hammasi bo‘lib u yerda 50 ga yaqin o‘yinchi bor va ularning har biri juda yaxshi. Umid qilamanki, kelasi yili Chempionlar ligasida “Chelsi” bilan o‘ynay olamiz", dedi 27 yoshli futbolchi.
Temmi Abraxam “Milan” safida 11 ta o‘yinda maydonga tushib, 3 ta gol va 3 ta golli uzatmaga mualliflik qilgan.
