Yarim himoyachi Frenki de Yongning "Barselona"dan ketishi mumkinligi haqidagi mish-mishlar avj olishda davom etmoqda.
Oldinroq “ko‘k-anorranglilar” niderlandiyalik futbolchi shartnomani shu vaqtgacha uzaytirmasa, uni keyingi yozda sotishi haqida xabar berilgandi.
Marca xabariga ko‘ra, "Barselona" de Yongning xatti-harakatidan hafsalasi pir bo‘lgan va endi undan javob kutmayapti.
Klub yarim himoyachining jarohati darajasidan xavotirda, Xans-Diter Flik esa uni asosiy tarkibda ko‘rmayapti.
Kataloniya grandi rahbariyati Frenki de Yongning maoshi asosiy tarkibda bo‘lmagan futbolchi uchun juda yuqori, deb hisoblamoqda.
Sobiq "Ayaks" yulduzining tez orada ketishi ehtimoli ancha yuqori bo‘lib qoldi.
