Ярим ҳимоячи Френки де Йонгнинг "Барселона"дан кетиши мумкинлиги ҳақидаги миш-мишлар авж олишда давом этмоқда.

Олдинроқ “кўк-анорранглилар” нидерландиялик футболчи шартномани шу вақтгача узайтирмаса, уни кейинги ёзда сотиши ҳақида хабар берилганди.

Marca хабарига кўра, "Барселона" де Йонгнинг хатти-ҳаракатидан ҳафсаласи пир бўлган ва энди ундан жавоб кутмаяпти.

Клуб ярим ҳимоячининг жароҳати даражасидан хавотирда, Ханс-Дитер Флик эса уни асосий таркибда кўрмаяпти.

Каталония гранди раҳбарияти Френки де Йонгнинг маоши асосий таркибда бўлмаган футболчи учун жуда юқори, деб ҳисобламоқда.

Собиқ "Аякс" юлдузининг тез орада кетиши эҳтимоли анча юқори бўлиб қолди.