Superliganing 26-turi doirasidagi «Surxon» - «Olimpik» (3:0) uchrashuvidan so‘ng olimpiyachilar ustozi Denis Korostichenko o‘z fikrlarini bildirib o‘tdi.

«Ilk navbatda "Surxon"ni g‘alaba bilan tabriklayman. Ular uchun xech narsani hal qilmaydigan o‘yin bo‘lsada, motivasiya bilan maydonga tushishdi va g‘alabaga erishishdi.

Bizda esa darvozabonning xatosi va chetlatish o‘z so‘zini aytdi. Shuningdek, «Surxon» o‘z imkoniyatlaridan foydalandi. Ular yanada ko‘proq gol urishlari mumkin edi.

— Endi «Olimpik» «Sho‘rtan» bilan o‘ynaydi. Superligada so‘nggi o‘rinlarni band etgan jamoadan ko‘ra, Proligada yuqori o‘rinni egallagan jamoada kayfiyat va motivasiya yaxshiroq. «Olimpik»da bu borada vaziyat qanday?

— Tushunarliki, hozir bu borada vaziyat qiyin. Yigitlarda kayfiyat tushib qo‘ygan. Endi «Sho‘rtan»ga boramiz. Ularda motivasiya ko‘proq. Bizda ba’zi muammolar bor, chetlatishlar ham mavjud. Jarohatlar ham ko‘payib ketdi. Ikki kun qoldi va biz yigitlar bilan gaplashib, ruhiy tomonlama yaxshi tayyorgarlik ko‘ramiz. Vaziyat haqiqatdan ham oson emas. Barcha o‘yinda ularni ruhlantiruvchi so‘z topishga harakat qilamiz. Ko‘ramiz, bizda yana ikki kun bor va keyin «Sho‘rtan»ga ketamiz.