Суперлиганинг 26-тури доирасидаги «Сурхон» - «Олимпик» (3:0) учрашувидан сўнг олимпиячилар устози Денис Коростиченко ўз фикрларини билдириб ўтди.

«Илк навбатда "Сурхон"ни ғалаба билан табриклайман. Улар учун хеч нарсани ҳал қилмайдиган ўйин бўлсада, мотивация билан майдонга тушишди ва ғалабага эришишди.

Бизда эса дарвозабоннинг хатоси ва четлатиш ўз сўзини айтди. Шунингдек, «Сурхон» ўз имкониятларидан фойдаланди. Улар янада кўпроқ гол уришлари мумкин эди.

— Энди «Олимпик» «Шўртан» билан ўйнайди. Суперлигада сўнгги ўринларни банд этган жамоадан кўра, Пролигада юқори ўринни эгаллаган жамоада кайфият ва мотивация яхшироқ. «Олимпик»да бу борада вазият қандай?

— Тушунарлики, ҳозир бу борада вазият қийин. Йигитларда кайфият тушиб қўйган. Энди «Шўртан»га борамиз. Уларда мотивация кўпроқ. Бизда баъзи муаммолар бор, четлатишлар ҳам мавжуд. Жароҳатлар ҳам кўпайиб кетди. Икки кун қолди ва биз йигитлар билан гаплашиб, руҳий томонлама яхши тайёргарлик кўрамиз. Вазият ҳақиқатдан ҳам осон эмас. Барча ўйинда уларни руҳлантирувчи сўз топишга ҳаракат қиламиз. Кўрамиз, бизда яна икки кун бор ва кейин «Шўртан»га кетамиз.