«Bavariya» yarim himoyachisi Yozua Kimmix yangi shartnoma bo‘yicha muzokaralarni kechiktirish niyatida emas.
29 yoshli futbolchining shartnomasi joriy mavsum oxirida yakuniga yetadi. Myunxen klubi yetakchilardan birini saqlab qolishga umid qilmoqda, biroq tomonlar keyingi hamkorlik shartlarini haligacha kelishib olishmagan.
«Men yozgacha kutmayman. Qishda to‘g‘ri qaror qabul qilish uchun o‘tirib, butun vaziyatga baho berishga harakat qilaman», - deya serqirra yarim himoyachining so‘zlarini keltiradi jurnalist Florian Plettenberg.
Kimmixga qiziqish «Real», «Barselona», «Manchester Siti» va boshqa Yevropa gigantlari tomonidan bildirilmoqda.
