«Бавария» ярим ҳимоячиси Йозуа Киммих янги шартнома бўйича музокараларни кечиктириш ниятида эмас.
29 ёшли футболчининг шартномаси жорий мавсум охирида якунига етади. Мюнхен клуби етакчилардан бирини сақлаб қолишга умид қилмоқда, бироқ томонлар кейинги ҳамкорлик шартларини ҳалигача келишиб олишмаган.
«Мен ёзгача кутмайман. Қишда тўғри қарор қабул қилиш учун ўтириб, бутун вазиятга баҳо беришга ҳаракат қиламан», - дея серқирра ярим ҳимоячининг сўзларини келтиради журналист Флориан Плеттенберг.
Киммихга қизиқиш «Реал», «Барселона», «Манчестер Сити» ва бошқа Европа гигантлари томонидан билдирилмоқда.
