Angliyaning "Ispvich" klubi hujumchisi Liam Delap Italiya chempionatiga o‘tishi mumkin.
The Mirror nashri xabariga ko‘ra, 21 yoshli futbolchiga Turinning "Yuventus" klubi qiziqish bildirmoqda. Italiya grandlari Delapni serbiyalik Dushan Vlaxovichning o‘rniga potensial futbolchi sifatida ko‘rmoqda.
"Keksa senyora" safidagilar yangi mehnat shartnomasi imzolanganiga qaramay, forvardning jamoada uzoq muddat qolishiga ishonchlari komil emas. Liam uchun kurashda “Yuventus”ning raqiblari “Manchester Yunayted” va Londonning “Chelsi” klublari hisoblanadi.
Joriy mavsumda Delap 14 ta o‘yin o‘tkazib, 6 ta gol va bitta golli uzatmani amalga oshirdi. Uning transfer narxi 15 million yevro.
