Mateus Kunya bir yarim yil davomida "Vulverxempton"da o‘ynadi va darhol Gari O'Nilning muhim o‘yinchilaridan biriga aylandi.

Football Insider xabariga ko‘ra, "bo‘rilar" braziliyalik futbolchi bilan shartnomani uzaytirishni rejalashtirmoqda, chunki unga Premyer-liganing boshqa klublari ham qiziqish bildirmoqda.

Hujumchining "bo‘rilar" bilan amaldagi shartnomasi 2027 yilgacha mo‘ljallangan. Qolaversa, Gari O'Nil uchun futbolchini saqlab qolish juda muhim, chunki jamoa joriy mavsumda ligada qolish uchun kurashmoqda.

Bu mavsumda Mateus Kunya 14 ta o‘yinda maydonga tushib, 7 ta gol va 3 ta golli uzatmani amalga oshirdi.