«Barselona» Dani Olmoni La Liganing ikkinchi qismi uchun ro‘yxatdan o‘tkazish ustida ishlamoqda.
Eslatib o‘tamiz, yozda Kataloniya klubi asosiy tarkibning boshqa o‘yinchilari jiddiy jarohat olgan taqdirda futbolchilarni ro‘yxatdan o‘tkazish imkoniyatidan foydalanib, jarohat olgan Andreas Kristensen o‘rniga «Leypsig»dan 62 million yevroga sotib olgan Olmoni ro‘yxatdan o‘tkazgan edi. Yarim himoyachining ro‘yxatdan o‘tish muddati 31 dekabrda tugaydi, ammo u baribir Ispaniya kubogi va Superkubogi o‘yinlarida qatnashishi mumkin.
«Diario Sport» xabariga ko‘ra, «Barselona» yangi dastakni ishga tushirish bo‘yicha muzokaralarni yakunlamoqda, bu esa klubga taxminan 200 million yevro olish imkonini beradi. Ro‘yxatdan o‘tishning oxirgi muddati 18-19 yanvar, biroq klub buni qishki transfer oynasi boshlanishidan oldin amalga oshirishni rejalashtirgan.
«Barselona» shuningdek, yozda jarohat olgan Ronald Arauxo o‘rniga e’lon qilingan Pau Viktorni ro‘yxatdan o‘tkazishni va Gavi hamda Pedri bilan shartnomani uzaytirishni ma’qullamoqchi.
