"Portu"ning sobiq bosh murabbiyi Serxio Konseysau Angliya Premyer-ligasida talabga ega. “Vest Xem”, “Vulverxempton” va “Everton” portugaliyalikning nomzodini ko‘rib chiqmoqda.
Jurnalist Rudi Galettining so‘zlariga ko‘ra, har uchala klub ham mutaxassisning qobiliyatini yuqori baholaydi va hozirgi ustozlari bilan xayrlashgan taqdirda uni o‘zining ustuvor maqsadlaridan biri sifatida belgilab qo‘ygan.
Xulen Lopetegi boshchiligidagi “Vest Xem” 15-turdan so‘ng turnir jadvalida 14-o‘rinda, Gari O'Nil boshqaruvidagi “Vulverxempton” 19-o‘rinda, Shon Daych boshqaruvidagi “Everton” esa 15-o‘rinda bormoqda.
