Madridning "Real" klubi Ispaniya chempionatining 17-turidan o‘rin olgan "Rayo Valyekano"ga qarshi o‘yin haqida bayonot berdi.

Uchrashuv 3:3 hisobida sermahsul durang bilan yakunlandi. “Qirollik” klubi hujumchi Vinisius Juniorning vaziyatiga nisbatan belgilanmagan penaltiga alohida etibor qaratdi.

“75-daqiqada uchrashuvning eng shov-shuvli epizodi yuz berdi. Vinisius jarima maydonchasi ichida yaqqol yiqitildi, ammo hakam penalti belgilamadi.

Qolaversa, VAR ushbu epizodda o‘yinga ta’sir o‘tkaza olmadi”, — deyiladi "Los Blankos" matbuot xizmati postida.